Categories
Quotes

Quote #5 [ጥቅስ #፭]

(Mulat’s) quote on Ethiopian regressed art/theatre world.

“…

“ያ ትላንትና ህዝብን ይመራ የነበረ ህብረተሰብን ይመራ የነበረ ኪነጥበብ ዛሬ ህዝቡ እየመራው ነው የአለው። ተገልብጧል። ዛሬ በቴአትርቤትዎችአችን ሄድአችሁ አንድ ቴአትር ብትሰጡ፣ ‘ህዝብ የአስቅልን አለ ወይ?’ ተብልአችሁ ነው መጀመሪያ የምትጠየቁት። ‘የአስቅ አለ? የአስለቅስ አለ?’ ይሄ ነው ጥያቄው። ‘ህዝብ የአስተምር አለ? የህዝብን ፈለግ ወደፊት የአራምድ አለ? ህይወቱን ይለውጥ አለ? ለእድገት ቅስቀሳ የአደርግ አለ? አሁን እሚሉትን እንኳ ብልጽግናን የአበለጽግ አለ?’ አይሉም። አይባልም! የአስቅ አለ!? ‘እንዴ! ለምንድነው አያስቅም ግን እንዲህ እምትሉት ምነው?’ ሲባል ‘አሃ ህዝብ እሚፈልገው መሳቅ ነው!’ አሁን እሚመራን… ጥበቡን የእሚመራልን ማን ሆነ? እርግጥ የህዝብ ፍላጎት ነው ይሄ? አይደለም። ይህን መለወጥ እሚችለው የአቋቋመው መንግስት ብቻ ነው። አራቱም ቴአትርቤትዎች የእሱ ናቸው፤ እኛ እማናዝዝእብአቸው እንደፈለገ እሚገለባብጥአቸው፤ ሴንሰርሺፕ አንስቼ አለሁ ብሎ በጠንካራ ሴንሰርሺፕ የአቋቁምአቸው ናቸው። ያኔ የነበሩት ሴንሰርዎች መሀይም ለመንግስት ታማኝ በመሆን ብቻ የተመደቡ ነበሩ፤ እና ስለአልተማረ አንዳንድ ነገር የአሳልፉልን ነበር። ጃንሆይ፣ ኢሰፓ ብለሽ ከልተሳደብክ የአሳልፉልሀል። የእዚህ ዘመኑ ሴንሰር ግን እንደ እኛው ቴአትር ፈልፍሎ የተማረ ነው። ስለእዚህ ሽታውን ጭምር ‘አይ ይሄ እንትን እንትን ሸተተኝ!’ ብሎ ይከለክለን አለ። ይህ መንግስት ከመጣ 5ቴአትርዎች (ድሀ አደግ፣ ሾተላይ፣ ሰባራ ዘንግ፣ ከዲጃ) ፅፌ አንዱም በመንግስት ቴአትርቤት አልታየም። ለምን? አያስቅም! ስለእዚህ የመንግስት ቴአትርቤትዎቹ መለወጥ አለብአቸው። ከእዚህ ጫና ለማረፍ የግል ቴአትርቤትዎች አስፈላጊ ናቸው። ግን ከ1984ዓም. ጀምሮ ትንሽ መሬት ስጡን ለግልአችን ቴአትርቤት እንክፈት ብንል ባህርዳር ድረስ ሁሌም ብንለምን ተሰምተን አናውቅም።… ቴአትርተትዎቹ መንቃት አሉብአቸው፤… ባህልን የእማይለውጥ ኪነት ፥ ኪነት አይደለም! የግል ቴአትርቤትዎችም መፈቀድ አሉብአቸው።”

አያልነህ ሙላት (ጸሐፌ ተውኔት)

የግል ቲያትርቤት መከፈትን፣ የኪነጥበብ ህዝብን መሪ የመሆን አቅም ለመድረስ መለወጥን፣ የመንግስት በዘርፉ አሁን ተፈላጊ የእሚሆን ኢ-ጣልቃገብነትን፣ ወዘተ. በመዘርዘር በአፍሪካ ጃዝ መንደር ለአዲስ አመት (2014ዓም.) ዋዜማ በተዘጋጀ የውይይት ዝግጅት፣ ከሌላ በተለይ ሉልአዊ ላቂ ሙዚቃ ባለሙያ ጎን ሆነው አርቲስት ደሳለኝ ኃይሉን ለረዥም ቁጭ’ታ በጋራ ከአወያዩት መሀከል ከተናገሩት የተቀነጨበ፤ ይህም በ ሀገሬ ትመ. (ቲቪ) ለአዲስ አመቱ በዓል በአፍሪካ ጃዝ መንደር (ግዮን ሆቴል?) ተቀርፆ የተሰራጨ ውይይት ነው፨

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s